عمركم شفتوو احد وهو جالس مع اهله يحس انه جالس مع ناس غريبين؟ ..مجنووون الي مايقراهاا!

(صوت باب يفتح وواحد يدخل)

السلام عليكم
عمركم شفتوو احد وهو جالس مع اهله يحس انه جالس مع ناس غريبين؟
عمركم شفتو احد يحس انه عايش بغير دنيته
عمر احد فيكم حس ان ديرته مو هي ديرته
وان اصدقاه واهله واخوياه وجيرانه ناس غريبين عنه واول مره يشوفهم؟

(صوت واحد يضحك)
هشام وش فيك؟ هههههههههه
وش ذا الحتسي ؟
هشام : هههههههه لا بس استهبل عليكم ابدخلكم بـ جووو غريب
فهد : ههههه وانت ما تخلي حركاتك عاد تصدق جيت بوقتك تو كنا نتكلم عنك

صالح: اي صح كنا نحتسي بك ونبي نكلمك بـ شي

هشام : عسى ما شر وش عندكم؟؟
صالح : ابد بس انت من رجعت من براا وانت متغير شوي .. ولك فتره منقطع عنا
ونحس فيك شي .. نحسك تعااني .. نحس انك صاير غريب شوي
فهد: نبي ندري وش فيك نبي ندري انت ليه متغير فيك شي؟
هشام : (يبتسم) امم ما فيني شي بس مثلكم عارفين من جيت من برا والجو هنا متغير علي .. تعرفون لي سنين هناك .. وجيت هنا .. ناسي ديرتي وناسي ربعي شوي يبيلي وقت على بال ما آخذ على الاجواء والمكان

فهد: علينا يا هشام؟
تراك كل سنه بالعطله تجي .. وعاادي عندك وما نحس فيك متغير علينا زي هالسنه
اربع سنين وانت كل ما رجعت تكون طبيعي الا هالسنه .. وش صاير يا هشام؟

صالح: هو صادق فهد .. انت هالسنه غير!
هشام : طيب ملزمين انتم تدرون وش فيني؟ .. بتدرون بس بعد اسبوع من هالحين
وبعد تراي انا ابكلمكم بموضوع .. بس ابي احمد يصير فيه
الا صح وين احمد ما جا اليوم
صالح: بيجي احمد عقب شوي .. وش موضوعك
هشام : اصبر لين يجي احمد يا قليل الصبر .. وتكفى مشتهي شاهي .. لا تردني
صالح : وانا دايم مستضعفيني بهالاستراحه دايم انا اللي اسوي الشاهي وهـ بس بقوم
هشام : اوما انت مستضعفينك .. انت الشر كله ههههه
صالح : وشو؟؟ وش قلت؟
هشام : اتسذب ههههههههه ما قلت شي
صالح : ايه اشوا حسبتك قلت شي
هشام وفهد : هههههههههههه

صالح : وهذا الشاهي جبناه لك يالدلوع اللي بس تتأمر علينا وانت يالدب يا فهد مررر انشالله
فهد : يا شين اللي يسوون شي وهم ما وده يسوونه ويجلسون يذلونا عليه ههههههههه
هشام : اصلا غصبن عليك يا صويلح تسوي الشاهي لنا كل يوم اها بس
صالح : زين زين اوريكم باتسر .. والله ماصلحه لكم ابد
فهد : كل يوم تراك تقول تسذا هههههههههه

( صوت باب)
احمد يدخل
(احمد مطير عيونه)

احمد: هشوووم فيه؟ شو هيدا معئوووول؟

هشام:وش عنده اللبناني اوووخص ههههههه ايه هذاي فيه ما تشوفني
احمد : واخيرااا تنزلت وجيتناا وش هالجحده
هشام: حتى انت زيهم .. يابن الحلال اقعد بس ابقولكم شي
صالح : ايه صح وش كنت بتقووول لنا

هشام : امم انتم تحبوني صح؟
فهد : لا طبعا ههههه .. يا عيال تراي اعرف هشووم احلف لكم انه بيطلب شي هههههههه هذا اسلوبه اذا بغى يطلب شي يتدلع ويبتسم ههههه
هشام : هيييه انا مو كذا لا تظلمني هههههههه بس تبي الصدر ابي طلب هههه
فهد : ايه داري خابزك انا خبز يدي
هشام : احلى يالافغاني ههههههههه
صالح واحمد : هههههههههههههه
هشام : المهم يا شباب ابي منكم طلب .. اعتبروه الطلب الاخير طلب صغير
اول ما تقضوون من هالطلب بقوولكم قصتي
بقولكم ليه انا تغيرت .. ليه انا ابتعدت عنكم من رجعت من السفر
احمد : ايه طيب وشو طلبك هشوم قل تراي تحمست

هشام :احمد انت عندك اجازه والدراسه عقب اسبوعين
وصلوح انت تقدر تاخذ اجازه من عملك بس خمس ايام
وفهد انت عاطل هاللحين وموب جايتك وظيفه هالاسبوع يعني كلكم بتفضون

ابيكم تسافرون معي
ابرجع للمكان اللي درست فيه السنين الخمسه اللي راحت .. خمس ايام
ابيكم تجون معي خمس ايام بس ضرووري
عشاني انا .. عشان صديقكم .. عشان ارجع لكم زي ما كنت
والسفره على حسابي وكل شي على حسابي

صالح: يا سلام وانت من وين لك الفلووس وشلون تبينا نسافر الاربعه لايطاليا
من وين لك الفلووس .. تو وظيفتك ما راح تبدى فيها الا عقب شهر .. وما معك فلوس للحين
هشام : ادري كلامك صح بس معي فلوس وما عليك لا تسأل من وين بس ابيكم تروحون معي .. تكفون
اعتبروه اخر طلب لي
اعتبروني بمووت وهذا اخر طلباتي
فهد : وش هالكلام وش موته اوص بس .. انا عن نفسي تم بسافر معك دامها علىحسابك وش ووراي

احمد : وانا بقوول لأبوي وامي كان وافقوو تم .. تعرفني ماروح الا بعد ماقولهم
صالح : وانا لازم اشوف شغلي كانهم وافقو على الاجازه فأنا معكم
هشام : اوكي انتم يالاثنين بدق عليكم بكره وردو علي خبر وانت يا فهد مشكوور مشكوور انك بتجي
وانتم مشكوورين انكم بتحاولون عشاني
(صالح وفهد واحمد يناظرون بعض)
فهد : وش مشكوور ذي .. من متىوحنا نشكر بعض؟
صالح : ايوالله
هشام : لانكم ما تدروون .. هالسفره غاليه علي كثييير
تخيلوو سمكه طلعتوو من الماء وبعد كذا رجعتووها .. انا سمكتكم وانتم بترجعوني للماء
(صالح بنفسه) : غريب هشوم وش فيه ووش معنى هالمره متلهف على الرجعه لايطاليا عكس السنين اللي قبل .. اول كان اذا جا للرياض يرفض يرجع هناك والحين العكس!



(صوت رنين جوال)
(احمد صوت واحد توه قايم) : الله يرجك هشووم وش تبي الساعه سبع الصبح وحنا
بعطله
هشام : بسألك كلمت الوالد؟
احمد: ياخي تونا بدري يالمطفوق بكلمهم العصر .. اركد بنام
هشام : طيب طيب باي

(صوت جوال)
صالح : هلا هشوو صباحك سكرر
هشام : هلا صلووح صباحك صباح واحد بيقوول تمـ بسافر معك هههه
صالح : والله مدري وش اقوولك هشوم
هشام : افا قل وش صار
صالح : عيا المدير يعطيني اجازه ..
هشام : لا ياااااخي قل غييرها ليششش كذا ليشش انا حظي كذا ليشش كل شي اتمناه
ما يصير حتى هالمرره ما ضبطت معي
صالح : هههههههههههه وش بك تراي امزح بروح معكم ههههه
هشام : يووه صلوح ناقصك انا حراام عليك والله حرام
صالح : وراك انت كنت امزح
هشام : طيب زين اشوا انك بتجي خلاص باي
صالح : باي

*********
الاستراحه بالليل

هشام يناظر صالح) والله يانا مشتهي شاهي ههههه

صالح : والله لو تمووت ما ازين لك شاهي
فهد : هههههههههههههههه
هشام : ومن قالك اني حي عشان تقولي لو تمووت آآه ليت من يتمنى المووت يموت
احمد : رجعنا للنكد .. ما صدقنا تبدى ترجع لنا وتصير تجينا رجعت لحزنك
فهد : انا ودي ادري وش جايك انت يا هشوم
هشام : (يغير الموضوع) تراي حجزت والسفره بكره المغرب
فهد : يووه يالله يمدينا نجهز اغراضنا
صالح : وناااسه ابرووح ايطاليا .. اول مره اطلع برا السعوديه
احمد : كلنا زيك الا هشووم .. زين ان هشوم كان ساكن بإيطاليا ويعرفها
عشان يعلمنا كل شي
فهد : انا ما قهرني الا هشوم .. من وين جاب هالفلووس
سفره زي ذي ممكن تكلف عشرين او ثلاثين الف
هشام : تبون اعلمكم تيب.. بعت سيارتي
احمد :يالمجنوون بعت سيارتك عشان سفرره ؟هوونت انا
فهد : صادق انت يا هشوم والا تستهبل؟

هشام : صادق انا التذاكر وحجزتها والسكن وحاجزه وكل شي
لو تراجع واحد منكم ما راح يفيد
خلاص السياره وبعتها وما راح تسون شي ورجاء سكرو على الموضوع
وعدنا بكره العصر نروح للمطار وانا وااعدت اخوي انس يودينا للمطار

*************
بالمطار

احمد: ههههه وربي شكلك تحفه فهد بالبنطلون هههه دوب وبنطلون هههههه اه يا بطني
صالح :اوخص يالدوب اجل بنطلوون ههههه يا حليلك يا فهد اجل ايطاليا هاه هههه

هشام : (يبتسم) .. هذي بدايتها . اقول بس لا تفشلونا هناك خلوكم ثقل
فهد : اضحكو ما علي منكم انا بروح لديره محد يعرفني فيها تبووني البس ثووب؟ وبعدين وش حيثكم تلبسون بناطيل وانا لا

صالح : ههههههه اي شباب خلوكم عاقلين ودنا هناك نروح وما نسوي شي والا خرابيط نبي الواحد يمسك خويه اذا حس انه بيسوي شي غلط ويعقله ما نبي نروح نسوي زي ربعنا
هشام : طول عمرها شخصيتك معجبتني يا صالح يعجبني فيك انك عاقل وتعرف تمسك نفسك والدليل انت الوحيد منا الناجح وهذاك مشالله موظف موب زي هالعرابجه

احمد : عرابجه بعينك هههههه انا توي ادرس لا تحكموون علي
هشام : انت لو تخلي عنك البنات والمغازل كان صرت احسن واحد
احمد: الله اعلم وش كنت تسوي بإيطاليا .. جالس هناك ومستانس وحنا هنا متلحطين
ويبينا ما نغازل ولا شي
هشام : ايطاليا .. اااه يا ايطاليا .. كنت احسب نفسي اعقل واحد راح ببعثه .. وكنت احسب اكثر شاب ماسك نفسه بغربه .. كنت اتوقع ان ربي بيوفقني على محافظتي
كنت احسب ديني بيمنعني .. كنت احسب تقاليدي .. عاداتي .. محافظتي .. بتخليني اطلع من ايطاليا وانا ناجح دراسيا .. ناجح عمليا .. ناجح بحياتي
ما كنت ادري انه بيصير اللي صار

(صالح بنفسه اما لو ادري وش فيك يا هشوم . .اما لو ادري وش صار لك)

فهد : يووه يا ذا البنطلوون ضيق هههههه وشلون انتم متحملينهن
الجميع : ههههههههههههه
صالح : اقول جا موعد الطياره يلا مشينا

***************
بالطياره

هشام يفكر

رجعت لك مثل ما وعدتك
رجعتلك يا مكان ذكرياتي .. رجعت لك يالمكان اللي فيه رسى قلبي
ااااه ليتني اقدررر اكوون معهااا!!
يعني لورحت للمكان اللي شفتها فيه .. يعني لو رحت بشم عطرها؟
لاااا
يمكن اشوفها؟!
اشوفها؟ .. هذا اللي مستحيل يصير
ليشش ماموووت اانا
اااه ليش يصير معي كذا
(دمعات تتسابق بالنزول على خد هشام)

فهد: انا ودي هشوم ليش قاعد بمكان لحاله هناك ليش ما قعد معنا
احمد : حامت تسبده منك انت وبنطلونك هههههههه
صالح: هههههههههه
فهد : اوص بس لا تذكرني بالبنطلون

**********************


فــــي ايـــطــالــيــا

بالسياره

احمد : الله يا زين ايطاليا .. الحين هذي مدينه ميلانو؟
هشام: (لهم) ايه هذي ميلانوو .. هذي مدينتي اللي سكنت فيها .. وهنا جامعتي .. (ويكلم نفسه .. وهنا شفتها)

فهد : اقوول وين شقتنا ابغيير هالبنطلون بس

صالح : والله ياهو صجنا بهالبنطلون
فهد : اقوول انت يالدافور اذا وصلنا الشقه صلح لنا شاهي ولا يكثر

احمد : ههههههههههههههههه
هشام : (راكب قدام ويكلم السواق بالايطاليه) .. نيرش فرانشيسكو ثانكس

فهد : اوخص يالايطاليه ووش قلت له علمني ابتعلم
هشام (يبتسم) .. قلت له ترى الدب اللي ورى يسبك
احمد : ههههههههه
صالح : ياخي واضحه قاله وقف لان السياره وقفت

هشام : يلا شباب نزلنا .. فرانشيسكوو تيشيوني برناتو ...
فهد وهو بالشارع : ووووش قلت له
هشام : قلت له يجينا الظهر باتسر
احمد : مير حنا بأي حزه هاللحين ههههههه
صالح : اي صح ترانا ما صلينا بعد
هشام لهم) الحين حنا الفجر .. بنصلي اللي فاتنا وبنام وموعدنا الظهر يلا شقتنا بالدور الثاني .. هنا كنت ساكن انا ..( ويكلم نفسه .. وهي كانت هنا .. واهلها ..)
اليوم الاول الظهر 2\8\2006 ( الشله)
(فرانشيسكو وهشام عند السياره)

صالح يطلع : وين العيال هشوم .. عجزت اصحيهم مانزلوو للحين؟
هشام : لا .. الدوب يبيله تصفيق عيا يصحى.. واحمد كان يتروش والحين ينزل

وبالليموزين
احمد : وينهوله بنرووح .. بوه بنات بالمكان اللي بنروح له؟
صالح : بدينا .. همانا قايلين مانبي بنات
فهد : انا ابي وش فيها عاديات ايطاليات ذولي
صالح: الايطاليات حلال وغيرهن حرام؟

هشام: شباب بنروح الحين لمنتزه قريب .. منتزه روعه .. بتلقون فيه حيوانات تمشي عادي .. بس طبعا حيوانات اليفه كلها .. هو منتزه وحديقه حيوان مفتوحه بتستانسون انشالله
فهد : يووه حنا جايين نبي شي حلوو .. وهالمعقد جايبنا لحديقه حيوان

(هشام يكلم نفسه) : هنا كانت اول ايامي معها

****************

المكان : أيــــطـــالـــيـــا
الزمان : 23\3\2004 ( قبل سنه ونصف من سفر الشله)
عائله سعوديه في مطار ميلانو
يتقدم نحو العائله شاب يتكلم الانجليزي بلكنه ايطاليه بحته

(بالانجليزي) الشاب : انا اسمي فرناندو اشتغل مرشد سياحي واعرف ميلانو جيدا
واتحدث الانجليزيه

الاب بالانجليزي : ولكن كم تريد؟ ..مالمقابل الذي ستأخذه مقابل ان تكون سائقا لي ولعائلتي ومرشدا سياحيا لنا؟
الشاب: ادفع ما تريده يا سيدي .. سوف تدفع لي البنزين وفي نهايه الرحله اعطني ما تريد .. اي مبلغ ستدفعه سيكون رائعها سيدي

الاب لاهله(بالعربيه) : والله شكلووه زين ذا ما يتشرط ولا شي احسن من هاللي قبل شوي ابلشونا يتشرطون
تتقدم فتاه نحو الفتاه: اقول يبه قوولوه يشيل شنطتي
الاب بالانجليزي: حسنا ايها الشاب .. سوف نذهب معك هل من ممكن حمل حقيبه الانسه
الشاب : بكل سرور سيدي



***********************

المنتزه المحلي ميلانووو 3\8\2006

صالح: اولاااه شوفوو هالزرافه هههههههههه منسمه ترقص
احمد : اترك عنك بس .. شف هالقرد السمين .. يشبه فهد ههههه
في الطرف الاخر
فهد : يا ربييه يا هووه هشوم تشوف انت هذيك الايطاليه
هشام والدمعه تخنقه : اناا اشووفها شي ثاني
انا اشووف وجهها شي ثاااني .. كل شي اشوفه بدنيتي غير عن اللي تشوفونه
بكل مكااان اروح له اتخيل وجهها .. كل وجه اشوووفه هو وجهها
انا قاعد معكم بس بالحقيقه معهاا
فهد تكفى قلها ترووح عني
فهد تكفىىى صديقك اناا
قلها حرام عليها
قلها تبعد عني
(دمعه تنزل من خد هشام)
فهد : هشام وش فيك ؟؟ منهي ذي ووش تقوول انت عن من تتكلم
هشام ( يمسك بفهد بشده) : قلها تروووح عني قلها تروووح
فهد: بسم الله عليه بسم الله الرحمن الرحيم هشام منهي ذي؟
(هشام يهدى شوي) : ولا شي .. بعدييين اقوولك


********************

المكان : أيــــطـــالـــيـــا - ميلانووو
الزمان : 23\3\2004

رشا: بابا بروح انا وبنت عمي الهنوف ندور ضايق صدرنا وما فينا نوم
الابو: طيب بدق على الولد الايطالي عشان يوديكم ويدور بكم
(لحظات .. والبنتين بالسياره)
رشابالعربيه) اقول هنوفه يا زين هالايطاليين تشوفين هالولد يهبل اشوا ان ابوي
اختاره سواق
الهنوف : اقول اوص بس لا يسمعك الولد يالمهبوله

رشا: هههههه يالخبله ذا ايطالي ما تفهمين؟ يعني ما يعرف عربي
(الولد يتبسم)
الهنوف: ايه صح ناسيه هههههه الا شوفي يتبسم شكله يفهم وش نقول

رشا :لا ما يفهم بس يقاله معنا شوفي وش زينه .. لا ومؤدب .. لو انه سعوودي كان
من اول ما شافنا بالمطار رقمنا هههههه هالسعوووديين ما ينفعوون بشي الا
بالترقيم
الهنوف: اوص بس لا تجيبين طاريهم هالشباب يا ثقل طينتهم بس
(السواق يمسك الدركسون بشده وكأنه يريد ان يتوقف عن قول شي)
رشا : الا صدز دامتس تعرفين انجليزي قولي له نبي مكان فيه طبيعه حلووه
الهنوف: هههههههه ايه صح اثرتس ما تعرفين انجليزي
رشا: ايه اجل وشوله جبتك معي من الرياض

الهنوف بالانقليزي: فرناندو نريد ان نذهب لمكان فيه طبيعه نريد حديقه جميله
السواق (متنح يرد بالعربي) : انشالله
رشا والهنوووف: ووشوووو؟؟
السواق: هااه .. لا اتسذب هههههههه يووه دروو!
رشا : اثرك تعرف عرربي يوووه فشيله رجعنااااا للفندق بس
الهنوووف : يوووه هوونا ما نبي حديقه شكله عربي .. من وين انت؟
السواق : اسمعوو بقولكم شي . .انا عربي لا وسعودي بعد بس ابشركم حنا يالسعوديين نعرف اشياء غير الترقيم .. نعرف نصير مرشدين سياحيين مثلا وننهان
ونسكت للي يهينووننا ويقول عننا اننا ما نعرف الا الترقيم
رشا والهنوف : ( صمت مطبق)
السواق : اسمعوو انا طالب سعودي ادرس هنا والله منيب مرقمكم ولا مسويلكم شي انا اترزق الله ومحتاج القرشين لاني اصرف على نفسي ولازم ادرس واشتغل والحين عندنا اجازه اسبوع عشان كذا اضطريت اشتغل مرشد لين تجي الدراسه
لو تقولون لابوكم يمكن يطردني عشاني سعوودي
انا محتااج هالشغل
وما سويت لكم شي وش خايفين منه؟
رشا: ولوو انت سعوودي والله لاقوول
السواق : طيب زين روحي قولي لأبوك وانا بعد بقوله انك تغازليني من الصبح وتقولين اني اهبل ويا زين الايطالين!
رشا: (نزلت راسها من الحياء)
السواق : والله ماسويلكم شي ووعد .. بصير اوديكم واجيبكم والله انا محتاج هالشغل
الهنووف تسمّع رشا : والله الولد محترم خلاص بس
رشا : طيب خلاص .. وتراي اتسذب تراك شين
السواق : هههههههههه طيب زين

السواق : على فكره تراي بوديكم لحديقه حيوان بس رووعه!
وعلى فكره ترى اسمي هشام!
رشا : اجل فرناندو هاه ! هههههههههه
السواق والهنوف : هههههههههههههههههههههههههههههه
بالمنتزه
هشام : اقول رشوو تشوفين النافوره هذي شفتي شلون المويه ترقى من تحت لفوق
مو العكس!
رشا: ايه وشلووون يووه رووعه منظرها .. تعال اشوووفك تمووون تسميني رشو!؟
هشام: هههههههههه طيب اسف رشوشه
رشامعصبه) : هيي ترى بعلم ابوي انك سعودي
هشام يكلم الهنوف : تعرفين وحده اسمها رشا كانت تتغزل فيني بالسياره تو؟؟ هههه
الهنوف: هههههههههههههه
رشا (طاح وجهها): مالت من زينك
الهنووف: تعالوو خلونا نرووح هناك شوفو الناس متجمعين
هشام: يلا
رشا : قوووه


*************************
المنتزه المحلي ميلانووو 3\8\2006
(الشله بالمطعم)
(الطاوله الاولى على اليمين)
فهد : واخيرااا اكلنااا .. والله يانا جوعاااان بقووووه
احمد : ههههههههه والله يانت دايم تجوع متى شبعت اصلا ههه
صالح : روعه مطعم المنتزه ذا .. يعطيك العافيه هشوم اختيار صحيح
هشام (يناظر الطاوله اللي وراهم مع انها فاضيه!) : مو انا اللي اخترت المطعم هي اللي اختارته والله
فهد: منهي؟؟
صالح : منهي؟ وش كنتوو تسوون فهد توو انت وهشوم !
هشام: (ينتبه) : هاااه؟ وش قلتو؟ سوري ما كنت معكم
احمد: كانو يسالونك منهي اللي اختارت المطعم؟
هشام( يتبسم) : رشا
صالح: رشا مين يا هشوووم؟ تعرف بنات من ورانا؟ افا هذا العاقل
فهد : اقووول هشووم وشي رشا يلا سولف علينا بس
هشام : بعديين اذا رجعنا الرياض انشالله
(ويكملون الاكل)


[size=4]
[COLOR=purple]*****************************

الزمان : 23\3\2004
المكان: المنتزه

الهنووف : اقول هشووم تراي جوعانه ابي مطعم دبر لنا مطعم حلوو
رشا: خير يا بنت وش هشووم اشوف صرتي تمونين عليه
الهنوف: ههههههههههههه
هشام: بدت تغار البنت ههههههه
رشا: اغار بعينك من زينك اصلا
هشاميعاند رشا) : هنوووفتي فيه مطعم حلوو بحي بعيد شووي بنروح له الحين
رشا: عشتووو صارو يدلعون بعض مااالت
الهنوف: ههههههههههههه
رشا : (تعاند هشام) : انا تووو شفت مطعم داخل المنتزه .. بنرووح له هنوفه
هشام: انا قلت برا المنتزه يعني برا
رشا: وانا قلت مطعم المنتزه يعني مطعم المنتزه
هشام: مطعم المنتزه موب حلوو
رشا: انت وش دخلك تراك سواق بس تنفذ الاوامر
هشام : طيب اسف ( ويغادر المكان)
الهنوف: حرام عليك رشا وش سوا الولد .. جالس ينصحك يقولك المطعم مو حلو
تقومين تهينينه وتقولين له سواق.. وبعدين تراه محتاج يعني عشانه محتاج تسوين فيه كذا
رشا : وشووو ما قلت شي انا قلت سواق بس
الهنووف : اصلا هو مرشد سياحي عادي يعني وما سوا شي
رشا : وهـ خلاص بعتذر له بس اهم شي ترانا بناكل بالمنتزه عناد
الهنوف: طيب هههههههه
(رشا تروح لهشام بالسياره)
رشا: امم ما تعودت اعتذر بس تراي اسفه اخطيت عليك والله ما كان قصدي
هشام: ما اخطيتي بـ شي انتي فعلا انا مجرد سواق ومو من حقي اتكلم
رشا : يلا عاد هشوومي والله اني صرت امون عليك عشان كذا مزحت عليك وقلت سواق
هشام: هههههههه رجعت تتغزل وتقول هشومي
رشا: اووص يالدوب حسبتك زعلت ضاق صدري

هشام: الا صدق انا تضايقت من كلامك .. بس عاد خلاص رضيت
رشا : الله يا سرع ما ترضى يا حليلك ههههه
هشام: ايه بس تراي احيانا اعصب واطق
رشا: تهدد؟ .. تعال المس وشف وش يجيك بس
هشام: ههههههه اتسذب اصلا انا انسان هادي وما احب المشاكل
رشا : ايه زين اشوا حسّبت بعد
(ويذهبون للهنوف .. وبعدها للمطعم .. ليستقروو بالطاوله الثانيه على اليمين)

ميلانووو 3\8\2006
(الشله بالشقه)

(هشام يمسك بورقه ورديه ويقرأها قبل ان يضعها في جيبه)
صالح : اقول هشوم وش سالفه هالورقه؟
هشام : ليه تسأل؟
صالح : لاني بالاستراحه شفتك تقراها .. وبالمطار .. والحين .. حشى ما مليت؟
هشام : امل من كل شي الا من هالورقه .. بعدين بقولك وش سالفتها
فهد : قلنا كلنا وش حيثه بس
هشام : طاايب .. بقولكم كلكم

احمد : عاد جا الليل وجا وقت الحركات الحلوه
فهد: انا اشهد انك صادز يا حميده هشووم يقولون ان الايطاليات فله
هشام(يستغبي) : وشلون فله
فهد: يعني رهيبات حلوات خفيفات دم هههههه
صالح : وش حنا قايلين يومنا بالمطار .. بنات ما نبي
احمد: يووه حنا وشوله مسافرين نبي نروح مرقص ونشوف هالعالم
ونستانس معهم
فهد : انا والله حالفن مارجع للرياض الا وانا داخل كل مرقص بايطاليا
هشام : انت اول البس بنطلون وبلوزه زي الناس وبعد كذا
تكلم عن الرقص انت وخشتك هههههه
احمد وصالح : هههههههههههه
فهد : محد بيعرفني اهم ما علي اني استانس
صالح : والله لو يشوفك اخوك محمد يالدب كان يوريك شغلك
احمد : لا بنقوول لابو جيرانهم اللي هو ناوي يخطب بنته
فهد : ميخالف قولولهم بس اصبرو اتزوج هههههه
هشام : طيب دامك ملزمين نروح مرقص بنروح لكن خلوكم
ثقل
احمد وفهد : افا علييييك
صالح ( يناظر فهد واحمد ويقول بنفسه) : ايه هين



*************************
ميلانوووووووو
23\3\2004
رشا : يووه خلاص خلونا نمشي من المطعم تأخرنا على ابوي
الهنوف : يوه وش يفكنا من عمي الحين
هشام : يلا مشينا بس اصبرو اخلص هاللقمه على الاقل
وهـ نارن شابه هالبنات
رشا : ايه بلى ما وراك شايب بيهوشك ههههههههه
هشام : عاد تدرين رشا انا كثير جيت اول للمطعم هذا
غيرتي نظرتي عنه حبيته الحين
رشا : ايه عشان تعرف ان عندي نظره ثاقبه هههههه
هشام : يووه عاد ما يمديني على الثاقبه ذي هههههه
الهنوف : يلا بس مشينا انت واياها فاضين هواش

رشا ( بالسياره) : يوه الحين وش بنقول لابوي
هشام : على طاريه هذاه دق
الهنوف : هيه هشوم لا تنسى تكلم انقليزي
رشا : ايه صح
هشام بالانقليزي : مرحبا
الاب بالانقليزي : اين انت يا فرناندو .. اين بناتي اين ذهبتم
هشام: انا اعتذر يا سيدي انه خطأي .. لقد ضللت بالطريق وكان الطريق مزدحما
الاب : ما هذا يا فرناندو لقد استخدمناك كي ترشدنا وليش لاضاعتنا
هشام : انا فعلا اسف سيدي صدقني سوف تكون الاخيره
الاب : حسنا .. احرص على ان يرجعون سريعا .. مع السلامه
هشام : مع السلامه
الهنوف : وشووله قلت له تسذا ؟
هشام : اوص انتي ما عليك عادي انا وانتم واحد
رشا : وش قال هيي علميني يا شين اللي ما يعرف انقليييزي
الهنوف : قاله انه هو الغلطان وانه كان مضيع عشان كذا تأخر
تلقين ابوك هاوشه الحين
رشا : خير هشوم ليش تسوي كذا وش ذنبك انت .. اكرهك .. ليش تسوي كذا
هشام ( بالايطالي) : فيترانا
رشا : هيه انت لا تسب بالايطالي تكلم زينا ههههههه
هشام : ههههههه سوري ترى من كثر لغاتي اغلط وانسى واتكلم بلغه غير
الهنوف : طيب وش معنى اللي قلت
هشام : معناه وانا اكرهك بعد ههههه
رشا : الا على طاري اللغات كم معك لغه انت؟
هشام : خمس عربي ايطالي انجليزي هندي اسباني
وبطريقي لـ كم لغه
الهنوف : مشالله علييك
رشا : مشالله غريبه اول مره اشوف واحد كذا
هشام : من يومي طفل وانا كان طموحي اعرف كل لغات العالم
اتكلم مع كل العالم
اعيش مع كل العالم واعرف كلامهم .. ثقافتهم .. عاداتهم
رشا : طيب تكلم هندي الحين هههههه مشتهيه اشوف كلام هندي هههه
الهنوف : عليها مسكات عجيبه هالبنت ههههههههه
هشام ( يبتسم) : كوتشو كوتشو هوتا هيه
رشا : ووووش معناااها؟
هشام : لا تحاولين ما راح اقولك
الهنوف : اماانه هشام قل نبي نتعلم
رشا : هيه انت قل والا ترى يا ويلك
هشام : اشوف استانستي على التهديد اوص بس منيب قايل
رشا : يرضيك ينكسر خاتري
هشام : احلى يا خاتري .. ايه يرضيني ينكسر ويتقطع بعد هههه
الهنوف : احلى يا آسي
رشا : هين اوريك يالدوب مزاعلتك
هشام : ابرك حزه
( رشا والهنوف ينزلون من السياره ويذهبون للشقه حيث ينتظرهم الاب)
(هشام ينزل من السياره ويتوجه لغرفته في نفس العماره)
الهنوف : يوه بسرعه لا يفوتس المصعد يا بنت
(رشا تركض مستعجله ويفوتها المصعد)
هشام : هههههه يا حول فاتها المصعد
رشا : اوص يالدوب تراي للحين مزاعلك
هشام : وراه تيب وش انا مسوي يا حول
رشا : وش معنى الكلام الهندي
هشام: طيب ادخلي المصعد اول
رشا(بالمصعد) : اول مره اركب مع ولد لحالي بمصعد يا ويلي من ابوي
هشام : لو اني ايطالي كان ما قالت شي هههههههه
(المصعد يتوقف في الدور الثاني حيث يسكن هشام )
هشام : شيئاً ما يحدث في قلبي !
رشا : وشووو ؟
هشام (والمصعد يبدأ بالاقفال) : معنى الكلام الهندي اللي قلت تو ..

شيئأ ما يحدث في قـلـبي!
(المصعد يغلق ويرتفع برشا للدور الثالث)

(الهنوف تستقبل رشا)
الهنوف : اشووا ما قال ابووك شي
رشا : ايه سمعته تو يسأل عن هشام يبي يهوشه
الهنوف : وش هشام انتي يالغبيه اسكتي لا تفضحينا قولي فرناندو
رشا : ايه صح ناسيه هههههههه يلا انا دايخه بنام اشوفك بكره
الهنوف : يلا تصبحين على خير بس انا بروح للتي في



**********************************

ميلانووو 3\8\2006
(الشله بكازينو بشمال ميلانو)

فهد : واخيييرا الواحد استانس شووي .. بلى زرافات بلى هم هههههه
احمد : ايوالله هههههههههه
صالح: هشوم عمرك جيت هنا انت
هشام : ابدا .. ما عمري طلعت للاماكن ذي اصلا ما كان عندي وقت
( فهد يبتعد قليلا عنهم )
احمد : اقول هشوم جب لنا شي نشربه
صالح : اقول احمد ترى ما فيه خرابيط ولا حتى بيره ما ندري
بيرتهم وش فيها نبي عصير
احمد : انالله جانا المعقد الثاني
هشام : اطلبو اللي تبون بكيفكم
فهد (يرجع لهم مسرع) : هييه شباب انا بروح شوي
احمد : وش عندك يالدوب وين بتروح له؟
فهد ( يغمز) : لقيت شي حلوو!
احمد : وشو يالدوب والله انك خربان عارفك ابرووح معك
صالح : هشام شف وين بيروحون له هالخربانين انتبه لهم
فهد : الصراحه فيه شله بنات خليجيات هناك كلمتهم قلت حنا اربعه
وهم اربعه وكل واحد مننا بيروح له مع وحده وش قلتو شباب؟
احمد : والله انك فله يالدووب يلااا مشينا يلا صالح يلا هشوم
صالح : لا هيه انت واياه ما يصلح منيب رايح لو شافنا احد صاحي انت
فهد : من بيشوفك يالدافور الهيئه؟ امش بس عادي كلها جلسه عاديه ما راح
نسوي شي
صالح : خلاص اذا جلسه عاديه يلا
هشام : روحو انا بجلس هنا لحالي مقدر اروح
احمد : لا هشووم قوه عنا ونس عمرك
هشام : مقدر احمد والله العظيم مقدر
فهد : اتركووه خلاص يكفي حنا يلا مشينا
( ويذهب كل واحد منهم لطاوله منفرده وبعيده عن الاخر وبجواره فتاه)
وبعد فتره قصيره
هشام : صالح؟! . .وش جابك هماك جالس مع البنت
صالح : صراحه انت اهم عندي استحيت اتركك لحالك واقعد مع بنت عيب
هشام : ههههههه يا حبيلك
(هشام يرفع كاس الماء ليشربه .. وفجأه يرمي الكاس بعيدا!)
صالح: وش فيك هشووم؟؟
هشام : حتىىىى بكاس الموويه اشووفها صالح قلها ترووح
صالح اترجااك تكفى قلها تبعد عني والله حرراام علييها
والله حررام عليكم
صالح قلها تبعدد عني قلهاا تطسس
قلهاا حرااام عليييها
صالح ارجووووك ارجوووك قلها كلمهااا
اشوفها بالوجوه اشوفها بالاماكن اشوفها بعيني لو غضمت عيني
اشوفها بروحي وقلبي
قلها تبعد ارجوووووك
صالح : هشام خلاص تكفىى هشااام تكفى خلاص قلي وش فييك
(يقطع الجلسه دخول احمد)
صالح : احمد؟ وش جابك
احمد : كنت احسب هشوم لحاله قلت بنفسي هشام اهم بقعد معه
واولا واخيرا عيب اللي انا اسويه اترك اخوياي واروح اجلس مع بنت
وانت وش جابك صالح
صالح : هههههههههه احلى اشوف بديت تعقل .. انا زيك
احمد : يمديك على العقل والرزانه .. مير الدوب فهد اللي انسى
انه يرجع هههههه ..(ويلتفت احمد لهشام)
هشام وش فيك كذا.. وراك.. كنت تبكي؟
هشام : لا ما فيني شي
فهد (يجي للطاوله) : هااي شباب .. وش عندكم مجتمعين
احمد : ابد كلنا جينا ودنا نجلس مع بعض بلى بنات بلى هم
فهد : والله انا زيكم .. استحيت على نفسي جالس مع بنت ماعرفها
وتارك خويي
هشام : ما يهوّن علي بدنيتي الا انكم معي .. يلا مشينا للشقه
صالح : يلا



****************************

ميلانوووووووو
24\3\2004 اليــوم الثـاني

الاب : يلا بناات .. يلا حمد قم الساعه ثمان ونص
حمد (الابن الصغير) : ابغى انام مابي اصحى
رشا : تونا بدري بابا والله ما نمنا شي
الابو : مسافرين سياحه موب مسافرين عشان ننام يلا بس اصحي وصحي بنت عمك
رشا : يووه طيب .. عاد وش يصحيها هذي خيشه نووم
(رفسه من رشا لرجل الهنوف)
يلا هنووفه اصحي ووجح ابووي يهووش يقوول قومو
يلا ووجع قوومي
الهنوف : قايله للباص ما يمرني بغيب اليوم
رشا : ههههههههه يالخبله وش باصه وش غيابه قومي
الهنوف : انا قلت بغيب يعني بغيب خلاص
رشا : يوه عاد ذي وش يفهمها انها مسافره
(الاب يتصل على فرناندو)
الاب (بالانقليزي): صباح الخير فرناندو .الساعه التاسعه.. هل انت مستيقظ
هشام : نعم سيدي انني رهن اشارتك
الاب : حسنا دقائق وسوف ننزل
(في السياره)
الاب (بالعربي) : هاه رشا صحيتيهم متأكده؟
رشا : ايه بس وش اسوي مع بنت اخوك ذي يالله اقتنعت انها
مسافره وانها موب ببيتها
الابو : طيب زين
رشا (بخبث)(بالعربي) : طيب انت ما لقيت غير هالسواق ماش ما حبيته
اخاف يضيّع بنا زي امس هههههه
الابو : اسكتي بس دامنا بدينا معه الشكوى لله ..
(هشام ينظر لرشا من المرايه الاماميه )
رشا (تستمر باستفزاز هشام) : الشكوى لله بنتحمله
هشام (يكلم نفسه) : هين والله لاوريها يقالها تستفز ههه
(الهنوف وحمد يركبون السياره والسياره تتوجه لـميدان بياتزا ديللا ريبوبليكا )
( العائله تتجول في مدينه ميلانوو )
هشام (بالانقليزي بلكنه ايطاليه) : سيدي ان ميلانوو هي مدينه الاناقه والموضه والجمال
ويظهر جمال هذه المدينه ايضا بالنصب التذكاريه العريقه والشوارع الفسيحه
الابو (يشرح للبنات كلام هشام)

رشا ( تسمّع الهنوف) : تشوفين هشوم شلون ضابط الدور .. صاير ايطالي صدق
الهنوف : هههههههههههه ايه شوفي عمي شلون يسمعه لو يدري انه سعودي كان يا ويله
رشا تبتسم و ترفع يدها وتتمغط وتقول بصوت عالي) : احببك يا ميلانوو

( وتستمر الرحله في زياره العديد من المعالم الحضاريه لمدينه ميلانو)



***********************

ميلانووو 4\8\2006 اليـــوم الثــاني

هشام : يلا شباب اصحوو اليوم بنطلع نوريكم ميلانوو
صالح : انا صاحي بدري وسويت القهوه
هشام : هههههههههه وانت للحين ما تعرف تعيش بدون قهوه
صالح : ابد ماعرف اشوا اني جايب قهوتي معي والهيل وكل شي
فهد : يووه اوص انتم وسواليفكم الواحد ما يعرف ينام
هشام : وش نومه خلاص يكفي لازم ضرووري نمشي الساعه تسع
زي هذيك المره
صالح : أي مره؟
هشام : لا ولا شي ..
احمد : (وهو يرفع البطانيه عنه) : اوف والله يا برد .. ملزمين نصحى
هشام : ايه ملزمين .. جايين سياحه موب نوم
فهد : رووحوو وخلوني انا بنام
هشام : معصي بتقوم يعني بتقوم والا ترى ما راح نرجع لك ابد
فهد : يووه زين .. وش ذا احس اني عايش بغونتنامو
احمد : اوخص يالدوب انت لو تعيش بغونتنامو كان يقضي الاكل عندهم
صالح وهشام : هههههههههههههه
(وبعد شرب القهوه نزلو جميعا للسياره)
احمد : انا ملاحظ عليك شي هشام غريب من جينا للشقه
هشام : وشو؟ وش انت ملاحظ علي

احمد : دايم وحنا بالمصعد اذا دخلناه اذا كنا راقين تتعمد وتضغط الدور الثالث
واذا كنا نازلين بدل ما تضغط الدور الارض تضغط الدور الثالث
حشى اربع مرات تغلط؟
هشام : صدق انا اسوي كذا؟
صالح: موب صاحي هالولد وين عقله حتى ما يدري وش هو يسوي
فهد : ايه صدقين ابلشتنا كل من شافنا حسبنا بزران نلعب بالمصعد
هشام : يعني حنا ساكنين بالدور الثاني؟ وانا اضغط الثالث؟
احمد : مهوب صاحي ذا لنا يومين ساكنين وما يدري بأي دور
فهد : ايه يالخبل حنا ساكنين بالثاني .. يا رب انك انت اللي جايبنا له اول شي
هشام : كانو هم بالثالث
صالح : جته الحاله .. منهم اللي بالثالث؟
(هشام يبتسم ويرفع يده كأنه يتمغط ويصرخ بصوت عالي احبببك يا ميلانووووو)

( الشله تقضي يومها الثاني بالتفرج على المعالم السياحيه لمدينه ميلانو)
(وفي طريق العوده للشقه)
صالح : هاه هشام ما ودك تقول لنا سالفتك؟ وتعلمنا وش فيك
احمد : أي والله انا ملزم ابعرفها الحين وبعرف منهي رشا ذي
فهد: احلف انها ايطاليه واسمها انجلينا وهو يتسذب يقالها سعوديه ههه
هشام : خلوها بآخر يوم احسن الحين انا تعبان
صالح : يوه لك كم يوم وانت كل مره تقول خلوها بعدين
هشام : اوعدك صالح انك بتشوف قصتي انت بالذات
صالح : طيب بشووف وعدك

*****************************

ميلانوووووووو
25\3\2004 اليــوم الثـالــث

(العائله)
رشا (تكلم نفسها وهي على سريرها) : غريبه ابوي ما صحى للحين!
هنووفوه قوومي الساعه عشر
الهنوف : يووه قلت لك مابيها
رشا : ما تبين وشو؟
الهنوف : البيتزا
رشا : أي بيتزا ههههههههه انالله هالبنت ذي مدري شلون بيتحملها رجلها
(تذهب رشا لغرفه الاب)
رشا: بابا يلا اصحى الساعه عشره
الابو : انا تعبان رشا مقدر اقوم من الفراش اطلعو انتم مقدر اروح معكم
رشا : سلامتك وش فيك؟
الابو: لا عادي شيبت يا بنيتي اطلعو انتم واتصلو على فرناندو ولا تنسين حمد
رشا : ما تشووف شر بابا .. لا ما راح نطلع ما نقدر نتركك بروحك
الابو : انا قلت تطلعون يعني تطلعون ما فيه احد يقعد هنا
(وبعد قليل الاربعه بالسياره
بالمقدمه هشام السواق وحمد بجانبه
وبالخلف الهنوف ورشا)
رشا : اقول هنوفه ليت حمد مهوب معنا
الهنوف : وراه
رشا : عشان نسولف مع هشام ههه
الهنوف : اشوف صرتي ما تستغنين عن سواليفه ههه
رشا : اسكتي بس عادي ما فرقت معي بس ماحب تتكلمون بالانقليزي وانا اتفرج عليكم
الهنوف : ايه غايره هههههههه
رشا ( تدف الهنوف بكتفها) : انتي ما تتركين حركاتك ذي
الهنوف (بالانقليزي) : فرناندو هل يوجد مدينه العاب في ميلانو
هشام : نعم هل تريدون الذهاب لها؟
الهنوف : ايه تكفى
الهنوف : رشا حمد بنروح ملاهي حلوو
حمد : الله حلووو
رشا : لاا ووع ماابي
الهنوف : لا تخربين علينا انتي .. ما تبين روحي مكان ثاني
رشا : وين اروح له لحالي
الهنوف : روحي معه ..
رشا : من ؟
الهنوف ( بصوت خفيف) : مع هشام .. عادي

رشا : يوه اخاف مابي اروح لحالي وبعدين وين اروح
الهنوف : هو يدل بالديره زين روحي لاي مكان وانا وحمد بنروح الملاهي
هشام ( بالانقليزي يرفع صوته) : ماذا تريدون الان؟ الى اين اذهب
الهنوف: الى الملاهي
رشا : حمد انت رح مع الهنوف وانا بروح لحديقه والا أي شي مابي الملاهي
(وبعد قليل تقف السياره عند مدينه الالعاب لينزل منها الهنوف وحمد)
هشام : الحين صرنا لحالنا يا ويلتس ابخطفتس هههههههه
رشا : هذا اولها ههههههه اخطف ميخالف انت الخسران
هشام : الله يستر انتي شرانيه المهم وين تبين نروح
رشا : ابي بحر مشتهيه اروح شاطئ
هشام : ميلانوو ما فيها بحر .. بس فيها بحيره برا المدينه حلوه تجنن
رشا : طيب بعيده هي؟
هشام : لا عادي نصف ساعه بالكثير وبعدين هم بيطولون بالملاهي
رشا : خلاص رح الله يعافييك
هشام : اروح؟ وانتي كذا؟ راكبه ورى؟ معصي هههههه سواق انا؟
رشا : لو تموت ما راح اركب جنبك يمه اخاف
هشام : وش فرقت ههههههه
رشا : مدري اخاف ههههههههه
هشام : اجل يمدحون الملاهي
رشا : امزح خلاص بركب .. يوه وانا لازم اطيعك بكل شي يعني؟
هشام : ههههههههههه



****************************
ميلانوووووووو
5\8\2006 اليــوم الثـالــث
صالح(يخرج من الغرفه وهو يفرك عيونه) : غريبه هشام الساعه تسع ونص وحنا ما تحركنا عكس امس
هشام(يضع الورقه الورديه في جيبه) : اليوم بنمشي عشر ..
صالح : للحين تقرى انت هالورقه .. والله وددددي اعرف وش فيها
فهد : صباح العسل يا أشطه انت واياه وش مصحيكم
هشام : مشالله فهد صحى من نفسه وش هالانجاز
فهد : والله من ثمان وانا كل شوي افز اخاف تجيني رفسه منك يالشين
هشام : هههههههههه
صالح : ابروح اقوم حمووده وش يقومه هذا بعد
فهد : الا وين نبي نروح له اليوم يا مرشدنا السياحي
هشام : غريب انك تقول عني مرشد سياحي!
فهد: وش الغريب؟ . .انت مرشدنا
هشام : غريب لاني كنت مرشدهم السياحي!
فهد : منهم بس ذوولا .. ما تلاحظ ان هواجيسك كثيرت؟

احمد (يخرج من الغرفه وخلفه صالح): يوه تونا بدري وراكم صاحين كلكم
فهد : انت يالعصقول ما ينفعلك الا صلووح يصحيك غصب
صالح : ههههههههههه
هشام : اي بدري بقى شوي وتجي عشر يلا بس مشينا
احمد : يوه عاد انت يا توقيت جرينتش ما يمديني عليك ماقول الا حكم القوي قال هشام عشر يعني عشر
فهد: ما جاوبتني يا المرشد السياحي .. وين بنروح له
هشام : الله تهبل كلمه المرشد السياحي
فهد : جته الحاله
هشام : بنروح البحيره قوه ننزل بس .. صالح صلحت القهوه والشاهي؟
صالح . ايه صلحت يا حول يا انا مستضعفيني بالرياض وهنا بعد
الجميع : هههههههههههه
فهد : اهم شي شباب اذا ركبنا المصعد الحين ابعدو هشام عن الازرار
هشام : لا تكفوون ودي اشوف الدور الثالث شووي بس نظره ثوواني
احمد : يووه وش عندكم هناك .. فيه بنت تقزها والا وش عندك؟
صالح : كلن على همه سرى ههههههههه
هشام : يلا مشينا بس


************************


ميلانوووووووو
25\3\2004 اليــوم الثـالــث

رشا ( بالمرتبه الاماميه) : الا قلي هشام وش تزين هنا بإيطاليا
هشام : وشلون وش ازين ههههههه ادرس
رشا : ادري بس وشلون عايش حياتك .. لحالك .. لك اصدقاء .. لك صديقات
هشام : ههههههههه امم اقدر اقول لي زملاء اصدقاء لا .. بالرياض بس
رشا : ومن هالزملاء؟
هشام : يعني بالدراسه .. سواءا ايطاليين او اوربيين
رشا : طيب فيه بنات يدرسون معكم؟
هشام : لا ما عندنا دمج عيوو الايطاليين ما يحبون الدمج
رشا : حلوو والله وحنا الله يخلف ربعنا يبون الدمج
هشام : استهبل عليتس يالخبله ههههههه الا فيه بنات يدرسون معنا
رشا : هههههههه يا ويلك يالمحتال لا تلعب علي كذا
هشام : ههههههههههههههه
( وفي البحيره)
رشا : الله هالشاطئ روووعه نظيفه الرمال .. والمكان رووعه شف الشجر
هشام : ايه مره حلو .. انا بفسخ نعالي وانتي بعد افسخيهن احلى
رشا : تبي تخربني انت هههههههههه لا ما يصلح تتوسخ رجلي
هشام : ياااي تتوسخ رجلي .. اقول افسخيهن والا بفسخهن انا
رشا : طااايب بفسخهن يووه انت كل شي عندك بالغصب وين حقوق المرأه
هشام : هههههههههههههه
رشا : اقوول انا ابي آيسكريم
هشام : من وين نجيب لك آيسكريم .. على بالك كورنيش الخبر وسيارات الايسكريم
على الشارع والا على بالك حنا بالهاف مون؟
رشا : ما علي انا ابي ايسكريم يعني ابي ايسكريم
هشام : طيب خلينا ندور امري لله .. وين حقوق الرجل
رشا : هههههههههههههههه
(وبعد شراء الايسكريم من محطه وقود تبعد ثلاثه كيلو)
رشا : يوه تكسرت رجليني من المشي ليتنا جايين بالسياره
هشام : تستاهلين محد قالك تلجينا ابي ايسكريم
رشا : طيب انت وراك ما شريت لك .. يوه ماحب اكل واللي عندي ما ياكل
هشام : (يناظر بالايسكريم ويعاند رشا) : الله شكل طعمه يهببببل ههههههههه
رشا : يووه ارجع اشتر لك والا ترى ما راح اعرف اكل منه زين
هشام : احسن هذا اللي ابيه مابيك تتهنين فيه هههههه تعبتيني الين شريته
رشا : يا ربييه طيب بقطع لك قطعه
هشام : لا ابي حقك والا مابي
رشا : يووه لا مابي تاكل منه تبي اقطع لك بيدي والا ما فيه
هشام : امزح هونت مابي هههههههه
(بعد قليل) رشا : يوه خلاص كرهته مابيه برميه
هشام : اصبري يالمطفوقه حتى نلقى مكان نحطه فيه ما يصلح نرميه كذا
رشا : لا يمووع علي برميه اللحين
هشام : عيب نرميه عليها مخالفه هذي بإيطاليا
رشا : طيب وش اسووي؟
هشام : هاتيه
رشا : امسك
هشام : بآكله ههههههه
رشا : عقبي ما يصلح
هشام : بيكون زايد حلاه شوي بس عادي احب السكر
رشا ( استحت) : هههههههههههه

( وبعد عده مغامرات على شاطئ بحيره فيتراتزو)
هشام : يلا رشوو رجعنا
رشا : بدرري وبعدين الملاهي موب مقفل الحين وانا اعرفهم حمد وهنوفه ما يطلعون
بالعاده الا اذا قفل الملاهي
هشام : وين شايفتنا بستار ستي والا الجنقل لاند ما يسكرون الا ثنتين ههههه
هنا الملاهي يقفل تسع
رشا : يوه قهر ما ودي امشي
هشام : ولا انا بس الشكوى لله يلا مشينا
(وتتوجه السياره لمدينه الالعاب ومنها للفندق)
بالسياره
الهنوف : وش سويتووو رشوو علميني؟
رشا : سرر
الهنوف : يا شينك يالله علميني تراني متحمسه هههه
رشا : عادي ما سوينا شي .. تمشينا واكلت ايسكريم وبسس
الهنوف: بسس؟ .. ما قالك شي ما سوى لك شي . .اعترفي؟
رشا : هههههههههه لا ما قال ولا سوى شي
(تتوقف السياره لينزل منها الاربعه)
في المصعد يركب سائحان ومعهما حمد والهنوف
ويلحق بهم رشا وهشام)
هشام لرشا بصوت خفيف : شكله ما يكفي برقى بالدرج
رشا : وانا معك
حمد : تعالي رشا فيه مكان
(المصعد يغلق)
هشام : ترى كان فيه مكان بالمصعد لك
رشا : ادري .. بس مابيك ترقى لحالك
هشام : خايفه علي؟ هههههههههههه
(يصلون الدور الثاني)
رشا : لا مو خوف .. بس بقولك
هشام : بتقولين ايش؟؟
رشا: كوتشو كوتشو هوتا هيه

(وتتسابق خطوات رشا للدور الثالث)

*************


ميلانوووووووو
5\8\2006 اليــوم الثـالــث

(الشله)
صالح : اما لو نجيب هالبحيره ونحطها عند الرياض
فهد : وانت الصادق لو نجيب البنات اللي عند البحيره ونحطهن عند الرياض
احمد وهشام وصالح : ههههههههههههههههه
صالح : وانت تفكيرك كله بالبنات
احمد : احسن شي .. خلوه لا تخربونه انتم يالاثنين
هشام : شباب من يبي ايسكريم .. فيه محطه بعد ثلاثه كيلو وفيها اسواق تبيع
ايسكريم بروح لها على رجليني
فهد : مهوب صاحي ذا الولد .. تبيني امشي ثلاثه كيلو عشان ايسكريم
صالح : انا مابي امشي بعييده المحطه وانا تعبان
احمد : وين هشام بعيده هي مره؟
هشام : ايه بعيده اقل شي اقولك ثلاثه كيلو اذا ما كانت اكثر
احمد : يلا مشينا بس بالسياره
هشام : لا برووح على رجليني .. تبي تعال ما تبي اقعد
فهد : اجل اذا جيت جب لي معك ايسكريم وحلويات وشوكليت
احمد : هالدب ما يفوت فرصه هههههههههههه
الجميع : ههههههههههههه
(هشام يذهب وحيدا للمحطه)
صالح : ما تلاحظون ان هشام من جينا ايطاليا وهو صاير غريب
يمشي لحاله ويكلم روحه وتصرفاته غريبه؟
من المصعد والدور الثالث للمحطه على رجلينه لرشا اللي كل شوي يقول اسمها
فهد : يابن الحلال هشوم من اصله غريب له فتره حتى يوم كنا بالرياض
احمد : تدري صالح امس اسمعه وهو نايم ينادي بإسمها ويصيح
صالح: اسمها؟ .. من هي؟
احمد : رشا .. ما سمعتووه وهو كل الليل يقول اسمها؟
فهد : انا اذا حطيت راسي على الوساده ما يقومني ولا جرس مدرسه عند اذني
صالح : ما سمعت شي غريبه .. انشالله يومين ونعرف قصه هشوم
(ويرجع بعدها بفتره هشام وتقضي الشله باقي يومها بالبحيره قبل ان يتوجهون للفندق
ويغطو في نوم عميق)


***********
اليوم الــرابــع
ميلانوووووووو
26\3\2004
(العائله)
(الاب والبنات وحمد في صاله الطعام يتناولون وجبه الافطار)
الابو : انا كلمت فرناندو الصباح وبنروح انشالله الحين
رشا : وين بنروح اليوم
الابو : فيه حقوول ارز برا ميلانوو اصدقائي راحو لها وبنروح هناك .. مكان حلو
رشا : دامك انت مختاره اكيد حلو
الهنوف : طيب فرناندو يعرف المكان؟
الابو : دام انه مرشد سياحي فاكيد راح يعرف وبعدين انا كلمته الصباح وخليته يشتري
اغراض من الاسواق العربيه اللي بالمدينه
رشا : وش اغراضه
الابو : دجاج مذبوح على الطريق الاسلاميه عشان نطبخ اذا طلعنا
رشا : نطبخ؟ محد فينا يعرف يطبخ هههه وانت بابا طبخك مو حلوو
الهنوف وحمد : ههههههههه
الابو : اسكتي بس طبخي حلوو وحتى قلت لفرناندو يجيب معه فرن صغير

(وتنطلق السياره بعد قليل بالخمسه لحقول الارز)

وفي مكان جميل على ضفاف نهر صغير
الابو : وين فرناندوو للحين جالس لحاله بالسياره
رشا : ايه انا تو شفته جالس يعلم شلون يعزف على القيتار
الابو : الله يستر يجينا حمد بكره يبي يصير مغني
البنات : هههههههههه
(وبعدها بقليل يأتي فرناندو وحمد)
فرناندو (بالانقليزي للأب): سيدي انني سوف اطلب منك طلبا صغيرا
الاب: تفضل فرناندو
فرناندو : انتم يا سيدي قدمتم الى ايطاليا ورأيتم هذه المدينه عن قرب
رأيتم معالمها وحضارتها .. ولكن هناك شي لم تروه حتى الان
الاب : ما هو؟
فرناندو : انكم لم ترو الطعام الايطالي .. انني استأذنك يا سيدي سوف اكون طباخا لكم اليوم
الاب (يضحك) : ولكن هل تجيد الطبخ فعلا؟!
فرناندو : نعم امنحني ساعه فقط وسوف يكون كل شي جاهزا ..
الاب: جميل .. ولكن ماذا ستطبخ لنا
فرناندو : سوف ترى يا سيدي

( ويذهب فرناندو بعيدا قليلا وينشغل بالطبخ )
رشا : حلوو على الاقل بناكل اكل ايطالي احسن من طبخك بابا ههههه
الابو : حظكم ان فرناندو بيطبخ والا ناوي اطبخ لكم طبخه حلووه
رشا (تكلم نفسها) : ايه هين حلوه
(ويجتمع الخمسه على مائده الطعام )
الابو بالانقليزي: انها لذيذه جدا ما اسمها فرناندو
فرناندو : شكرا سيدي انها موسكاتا
الهنوف بالانقليزي: شكرا فرناندو فعلا انها رائعه لم اعلم انك تجيد الطبخ هكذا
رشا (تدف الهنوف)وبالعربي : قوووليله انها زينه وتهبل واني اقول شكرا
الهنوف بالعربي: انالله بلشنا فيهم هاللي ما يعرفون انجلش ههههههه


(وترجع العائله الى الفندق)



*******************

ميلانوووووووو
6\8\2006 اليــوم الــرابع

(ويتكرر المشهد مع الشله)

على ضفاف النهر الصغير .. هشام عن قرب يطبخ الموسكاتا الايطاليه
فهد : هشووم الحق علينا تراانا جوووعانيييين
احمد : ههههههههه يا رب يصبر الدب
فهد : اقوول مب لو اننا شارين رز ومسوين كبسه احسن
صالح : وش علمه هالقروي .. الولد يطبخ لك ايطالي وانت تبي كبسه
ما مليت منها انت؟ يقطع ابليسك كل يوم تاكل منها بالرياض وتبينا ناكل منها هنا
بعد
احمد : هههههههههههههههه
فهد : ما علي منكم .. كبسه فور ايفر ههههههههه
الجميع : ههههههههههههههه
(وفي السادسه ليلا تعود الشله من حيث اتت)



*********************

اليوم الــخامس
ميلانوووووووو
27\3\2004
الساعه السابعه صباحا
المكان : في بهو فندق فينسا بمدينه ميلانووو
( هشام يحتسي كوبا من القهوه الايطاليه)
صباح الخير هشووووم
هشام(يستهبل) : الصوت ذا مو غريب عني سامعه قبل بس وين مدري آآه رشوو
اهلن وسهلن وانا بئووول ايه النووور ده
رشا : هههههههه يقاله ما شافني وانا مقبله عليه هههه
هشام : هههههههههه لا تخربين علي يقالي متفاجأ
رشا : هههههههههه
هشام : وش مصحيك بدري
رشا : ما جاني النوم كل الليل وقلت بصحى اتمشى امم ويمكن اشوفك
انت وش مصحيك
هشام : انا كل يوم اصحى بدري من الساعه ست
رشا : تدري اليوم بنسافرر
هشام بإستغراب
: اليوووم؟؟
رشا : ايه عشان كذا جيت لك بودعك .. يمكن مقدر اودعك زين مع ابووي
هشام : طيب ليش انتم مامداكم لك يومين
رشا : لنا خمس ايام بس انت ما تعد زين ههههههه بعدين بنروح دوله ثانيه
هشام : خمس ايام؟ .. كانت احلى خمس ايام في حياتي .. احلى اوقاتي كانت معكم
رشا (تنزل راسها) : معنا كلنا
هشام : هههههه احلى اوقاتي كانت معك .. وبقربك .. حبيت ايطاليا وحبيت ميلانوو
يوم صرت اشوفك فيها .. حبيت البحيره .. عشانك كنتي معي
صرت اناظر كل شي ويطلع حلوو .. لاني اناظرك معه
رشا : (بحياء) بس خلااص ترى استحي
هشام : متى بترجعون للرياض؟
رشا : بعد اسبوع .. بنروح تركيا .. وبعد اسبوع بنكون بالرياض
هشام : طيب ممكن طلب رشو
رشا : انت تآمر علي
هشام : اذا وصلتي الرياض دقي علي على الرقم هذا
بكتب لك الرقم كامل فيه فتحه ايطاليا وميلانوو وكل شي
رشا : امم طيب .. يلا انا برقى قبل ما يفقدوني اهلي

(بالسياره)
الابو (بالانقليزي) : شكرا لك يا فرناندو .. لقد سافرت دولا كثيره لكنني لم ارى
مرشدا مخلصا مثلك
فرناندو : العفوو سيدي ..انه واجبي
الابو : لن ننساك ولن ننسى الموسكاتو .. ولن ننسى ميلانوو . .شكرا لك
فرناندو : بل علي انا ان اشكرك .. سيدي انني اريد من شيئا واحدا فقط
الاب : ماهو فرناندو؟
فرناندو : انني اريدك ان تذهب بدون ان تدفع لي .. لا اريد منك مالا .. يكفيني سيدي انك كنت تدفع قيمه الوقود .. لكني لن آخذ اجرا
الاب : مستحيل فرناندو اني مدين لك بآجرك
فرناندو : انني اصرّ .. لن اقبل منك نقودا
(وتتوقف السياره في المطار)
فرناندو : اسوف احمل حقائبكم .. اسمح لي سيدي لن تحمل حقيبةً واحده
(في المطار الخطوط الجويه الايطاليه تعلن عن اقلاع رحلتها الى مطار انقره)
فرناندو : لقد تشرفت بمعرفتكم سيدي .. يبدو انه الوداع .. كنت سعيدا بالعمل عندكم
الاب : حسنا فرناندو ونحن كذلك سعداء .. هل انت مصرّ على عدم اخذ النقود؟
فرناندو : كل الاصرار سيدي
(نظرات الوداع بين هشام ورشا تكفي عن آلاف الحروف)



**************************

ميلانوووووووو
7\8\2006 اليــوم الــرابـع

(الشله مجتمعين بالشقه حول هشام)
صالح : يعني هذي رشا؟ .. وهذي قصتك معها
احمد : يووه قصه رووعه .. شلون غلطت وقلت بالعربي انشالله .. ويوم تروحون للآيسكريم .. وقصه المطعم واعتذارها .. اتمنى اشووف رشا بقووولها وش كثر
هشام يحبها
فهد : يعني انتهت قصتك مع رشا؟ خلااص .. كان هذا هو الوداع؟

هشام : قصتي مع رشا .. آلامي .. معناتنا ..حبنا ..شوقنا ..فراقنا .. ما بعد بدت !!

فهد : وش بقى ؟
احمد : وش صار عليكم .. صار شي عقب ما رجعت رشا .. دقت عليك؟

صالح : كمل هشام .. ووش سالفه الورقه الورديه بعد

هشام طيب باقي على موعد الطياره خمس ساعات .. بكمل لكم ..


**************************

هشام (بالايطالي) : آلوو هل انتي كوليني؟
الخط المقابل: لا انني فرتاني
.. آه انـتي فرتاني .. انا آسف فرتاني
انتي تعرفين انني اخطئ كثيرا بأسماء الطالبات ولا احفظها جيدا
فرتاني: نعم انك كذلك . .بل انك لا تحاول حتى التحدث معنا بالجامعه
هشام : ههه انا اسف حقا .. لكنني اريد منك نسخه من كتاب ماده التاريخ هل اجده عندك
فرتاني: نعم انا الان في حفله لماذا لا تأتي الي
هشام : انني لا احب الحفلات .. اراكي غدا في الجامعه وسوف آخذه .. حسنا شكرا
مع السلامه

هشام : يووه من هاللي دق انتظار بعد .. وش هالرقم

هشام : الوو
الخط المقابل : هلاا هشووم
هشام : رششا؟!!
رشا : ايه انا رشا وش دعوه ههههه تتوقع بنساك يعني
هشام : اهلييين هلا والله وغلاا اهلين بهالصووت وحشتيني والله موووت وينك الحين
ووش تسووين ومتى رجعتوو
رشا : شوي شوي علي .. تراي مقدر اطول داقه من جوالي
هشام : طيب باي بدق عليك انا على جوالك .. هذا رقمك؟
رشا :ايه هذا هو .. بس لا تدق مابيك تدق تكلفك المكالمه
هشام : اوص بس بااي
(ويعاود الاتصال .. وتستمر المكالمه)
على مدى سنه كامله
كان هشام يدرس صباحا حتى الظهر
وبعد الظهر حتى الليل يعمل في احد المكتبات بجوار سكنه وفي الليل يتصل على رشا
كان فارق التوقيت يخدمه
بينما كانت الساعه العاشره في ايطاليا ينتهي دوامه
كانت الثانيه عشر في الرياض
وكان الوقت مناسبا كي يتصل بـ رشا يوميا

رشا : هشوم انا ضايق صدري
هشام : افا رشا ليه
رشا : انت الحين كل يوم تتصل دولي .. من وين لك الفلوس اعرفك انا
هشام : ما عليك
رشا : الا قل لي
هشام : منيب قايل بعدين بقوولك خلاص المهم وش سويتي اليوم وين رحتي اخبار الدراسه ...
( واستمر الحال لعده شهور)

وبعدها اختفت رشا

لم تفلح محاولات هشام بالاتصال برشا
ليقرر بعدها هشام الرجوع للرياض

هشام : يبه ابفاتحك بموضوع ومدري وش اقولك
ابو هشام : وش يا وليدي سم وش عندك
هشام : يبه انا مليت من الغربه وبنفس الوقت كبرت واستقريت وانشالله اني بقدم على وظيفه وبيقبلوني انا كلمت الرجال اللي واعدني بوظيفه اذا رجعت من ايطاليا
وكلمته امس وقال وظيفتك بانتظارك
وما عاد باقي لي يا يبه الا العرس
ابو هشام : هذي هي الساعه المباركه يا وليدي والله امنيتي ذي من زماان اشوف اكبر عيالي معرس واشوف عيال عياله
هشام : وانا يبه حاط عيني على بنيه وبروح اليوم اكلم ابوها وش قلت تجي معي
ابو هشام : منهي ذي مشالله ومن اختارها لك
هشام : اختي ريم اختارتها .. وكلمتني عنها وانا الحمد لله مرتاح لهالبنيه
(هشام ينظر لريم مبتسما )
وودي اروح انا بالاول لابوها واكلمه واذا وافق بقولك تجي معي

ابو هشام : على بكره الله

*********************
(وبعد عده ايام يتعرف هشام على منزل رشا)

(هشام في منزل رشا ويقابل الاب ويحكي له قصته)

الاب : اجل طلعت سعودي يا فرناندو هههههه
هشام : والله اني مستحي منك يا عم .. بس والله اني لو قايلك سعودي من الاول
كان ما خليتيني اصير مرشد لك
ابو رشا : طيب ودي اسألك سؤال
هشام :تفضل
ابو رشا : ليه رفضت تاخذ الفلوس دامك محتاج؟
هشام : والله يا عم اني ارتحت لكم واستحيت اخذ منكم فلووس واعتبرتكم زي اهلي
وعشان كذا انا اللحين جيت لك يا عم وناوي القرب منك وبخطب منك بنتك رشا على سنه الله ورسووله ..وانا كلمت الوالد وهو بيجي معي المره الجايه .. وبالنسبه للوظيفه انا بتوظف انشالله هالشهر .. وبنسكن مع ابوي وامي واختي الوحيده
ابو رشا : والله انك فاجأتني يا ولدي لكن الراي راي البنت .. بكلمها وبرد لك خبر .. انشالله انت هات رقمك وانا كلها يومين وبتصل عليك
هشام : انشالله سم يا عم هذا رقمي

******************************

بعد يومين
صوت جوال
هشام : آلو .. هلا
ابو رشا : هلا يا وليدي معك ابو حمد
هشام : هلا يابو حمد هلا وغلا شلونك عساك بخير
ابو رشا : الحمد لله انا بخير وكلنا بعافيه بس اني دقيت عليك ابقولك
ان البنت رفضت وانها ما تبيك!
هشام: هاه! .. سم .. وشلون
ابو رشا : الزواج قسمه ونصيب يا وليدي والله يقسم اللي فيه الخير .. مع السلامه
هشام : لحظه يابو حمد .. ابي منك طلب بسس
ابو رشا : سم يا وليدي
هشام : ابسمع الرفض منها شخصيا
ابو رشا : الله يهديك بس يا وليدي .. بس خلاص مثل ما تبي

************************
وبعدها بيوم يرن جوال هشام

: السلام عليكم
هشام : وعليكم السلام
: اهلين هشام
هشام : رشا! .. اهليييين رشا وووينك وين الناس ليش سويتي كذا
رشا (تحاول اخفاء بكائها) : مقدر اقولك شي انت تبي تسمعني وانا ارفض خلاص

انا مـا ابـيك يا هشام .. انا ما حبيتك
وعمري ما راح احبك
انت ما تصلح لي وانا ما اصلح لك
افهمها عااد انا ما ابييك

هشام : ما تبيني يا رشا؟ .. عقب اللي بيننا كله تقولين مابيك
بعد كل الحب اللي بيننا بعد كل هذا تقولين ما احبك
تبين تعرفين وشلون كنت اتصل فيك كل يوم؟
كنت كل يوم ادرس واتعب واطلع من جامعتي وبدل ما انام
اروح اشتغل واشتغل واتعب حتى آخر الليل
كل هذا عشان اوفر فلوس الاتصال
كنت اشتغل باليوم ثمان ساعات عشان اكلمك نصف ساعه
كنت بـ ثلاث وعشرين ساعه ونصف كلها انتظرر متى تجي هالنصف ساعه
كنت بـ ثلاث وعشرين ساعه اللي ما ماسمع فيها صوتك افكر فييك وافكر
متى اكلمك ومتى يجي وقت مكالمتك
وبعد هذا كله تقولين ما ابيك
طيب ليششش؟ فهميني ليششش
رشا تبكي بقوه) : باي

****************************
(من مذكرات هشام)
كنت احبها
كانت تحبني
وش اللي صار .. وش اللي تغير
عمر قلبها ما عرف غير هشام
وعمر قلبي ما عرف احد غير رشا
كانت تقول لي .. ان قلبها رسى واستقر في ميلانو
عندي
كانت تقوول انها بالرياض
بس رووحها وقلبها بميلانوو
وش اللي صار؟

********************
(اتصال)

هشام : نعم
(صوت سمعه هشام من قبل) : اهلين ممكن اكلم هشام؟
هشام : اهلين معك هشام
: هلا هشام شلونك
هشام : الحمد لله انا بخير .. من معي؟
: معك الهنووف
هشام : اهلين الهنووف شلوونك شلوون رش ..
الهنوف : لا تكمل .. انا بخير
هشام : وشلون عرفتي رقمي .. وليه متصله . .رشا فيها شي؟
الهنوف : اتصلت لانك من حقك تعرف كل شي ..


هشام : من حقي اعرف ايش .. تكلمي قوولي تكفييين
الهنووف : بقوول كل شي ..

رشا كانت اطيب مخلوقه عرفتها .. ماتت والدتها من كانت صغيره .. افتقدت لحنان الام
تربت مع ابوها وجدتها
بالنسبه لـ حمد فهو اخوها من ابوها بس
عاشت رشا عند جدتها بعيد عن زوجه ابوها
دايم ما كنت اسمع ليتني اموت وارتاح من دنيتي منها
غريب بنت بزهره شبابها تقول هالجمله بكل وقت صح؟
بس بحاله رشا لا
كان قلبها مريض .. كان الاطباء يقولون ما راح تعيش الا كم سنه
ومع ذلك عاشت رشا
بس عاشت وهي تتحاشى اي علاقه بأي احد
بالمدرسه كانت تبعد عن البنات وما تبي تتعرف على احد
ما تبي احد يحبها ويفقدها بعد موتها
كانت دايم تقول مابي احد يضيق صدره اذا مت
وكانت تقول اذا انت تحب شخص .. لا تمووت وتخليه
عشان كذا ما راح احب احد غير ابوي وغيرك يالهنوف
كانت تقوول ليه ماموت وارتاح مليت من الانتظار
مليت كل الاطباء يناظروني ويستغربون اني للحين عايشه
رغم قلبي المريض
ومره تعبت رشا .. وراحت للمستشفى .. والحمد لله عدت ازمتها على خير
وبعدها قررنا السفر حنا الاربعه لأي مكان بس اهم شي ندخل الوناسه بقلبها
ووو .. جينا لإيطاليا .. وووجينا لـ ميلانوو .. وشفناك
من بعد ميلانوو .. ومن بعدك يا هشاام ورشا غير!
ما عادت رشا زي اول
كانت تقول الحين احب الحياه
الحين ابي اعيش!
حبت الحياه .. وحبتك يا هشام
كانت تقوول هشام هو اجمل شي في حياتي
هشام خلاني اعشق الحياه
قلبي رسى عنده .. وروحي عافتني وراحت عنده
كانت تقول انا اسبوعي عباره عن خمس ايام
هي الايام اللي عشتها مع هشام
يوم بحديقه الحيوان
ويوم ندور بمدينه ميلانو
ويوم بالبحيره
ويوم بالمزارع الارز
ويوم ببهو الفندق .. ويم الوداع
كانت تعيش هالايام بكل يووم
كانت تتخيل هالايام
كانت ايامها غير عن ايامنا .. كانت تعيش معنا .. لكنها معك!
هشام : ووش صار كملي الله يعاااافيك
الهنوف: اللي صار انها صحت على الحقيقه المره
وبيوم تعبت .. وبعدها قررت تبعد عنك
رجعت لعقلها اللي كان يقولها ابعدي عن كل حيّ
عقلها اللي قال لها الحقيقه
الحقيقه اللي هي ان كل علاقه بـ رشا هي علاقه وقتيه بس .. ومستحيل تدوم
وبعد كذا قررت تبتعد عنك
ويوم خطبتها وقالها ابوها انهارت
كانت تحبك وتبي قربك
وكانت تحبك وتبيك تبعد!
وقررت تتصل وتقولك انها رافضه .. عشان تبعد وتنساها

هشام رشا ماتت

رشا ماتت هشاام

**************************

(من مذكرات هشام)

ليش انا حي؟
ليش اشوف واشوف واشوف وماشوف شيّ
ليش اشووف .. واشوف ..وما اشوف الا هي؟
ليش ااسمع واسمع وما اسمع الا ذاك الصوووت
ليش اعيش وانا اتمنى المووووت

ليش اجلس مع اهلي وناسي واحس اني غريب
ليش ما احس بعدها ان لي احد قريب
ليه اقرب من النار وما احس باللهيب
لا دمووعي فادتني .. ولا فادني حتى النحيب
مآساتي اكبر مني .. ما عاد قلبي يتحملّ
حاولت ابعد حاولت انسى حاولت اني ارحل
وش يفيد .. وين مااروح و ارحل ارجع اشوفها زي الاول
كلامي لاحساسي ما يترجم
ولحياتي انا ما عدت اهتم
ليتني مجروح وليت جرحي يستشم

آه ليتني اموووت

********************

صالح : طيب يا هشام وش سالفه الورقه الورديه
هشام : بعدها بفتره اتصلت الهنوف وقالت ان رشا قبل ما تمووت
كتبت لي رساله ورحت للهنوف وعطاني اياها اخوها الصغير
يلا شباب الرساله بقولكم وشي بالرياض خلونا نلحق الطياره


***********************

حــبـيـبي هـشام
حبيبي البعيد عن موقعي
القريب من ذاتي ووجداني
حبيبي البعيد عني
القريب من قلبي واشواقي
لست ادري بماذا ابتدئ
مع رياح صيفنا الحارق .. تأتي إليّ .. تبعثك الى نسمات الهواء
ومع نسمات الربيع .. تحملك إليّ ملكات النحل
لا أعلم هل تضخم حبك في قلبي فلم اعد قادرة على مواجهه الحياه
ام تضخم قلبي فلم يعد قادراً على مجابهه حبك!
يأتي صوتك لي مساءا كل يوم
فأعشق حياتي
واحبها بمن فيها
بما فيها
تتفجر اعماق صدري كل يوم معلنة اشواقها إليك
كانت اجمل ايامي هناك .. في مدينتك .. حيث يوجد قلبي الان .. عندك
قلمي يحتار ..وعقلي يفكر فينهار .. ماذا اكتب وماذا اقول.؟!
بصعوبه امسكت القلم .. اناجي صمتي والوحده
اخاطب الالم
اخشى ان افصح لك بما فيني فينتابني الندم!
انني في حزن ووجل
وعباراتي تتهاتف على طريق الامل!
لكنني اخاف على دمعك من امرٍ جلل!
واخاف على اوراقاي من البلل
لكني مدركة انه لا مجال للفرار
فقد سبقتني الكلمات دون سابق انذار
فما كان عندي امام كلماتي الا الاختيار

حبيبي القريب جدا من ذاتي
انني لست لك!
لن استطيع ان اكون لك
ايامي تتقارب .. ولست ادري هل سأعيش يومي ام لا
عزائي الوحيد انك عرفت بما حلّ بي
اعذرني حبيبي فلم استطع ان اقولها لك
اعذرني حبيبي فما استطع ان اسمع دموعك
احـــبـــك وسأحــبــك دوووما
حبيبتك : رشا

********************************


(وبعد رجوع الاربعه الى ارض الوطن .. وفي اول يوم بعد الرجوع يجتمع احمد
وفهد وصالح في الاستراحه)
فهد : وين هشوم اليوم؟
احمد : مدري يمكن يجي بعد شوي .. صالح والله يانا مشتهي شاهي
فهد : بعد سفره ايطاليا ما ظنتي صالح يسوي شي ههههههه
صالح : ههههههههه


**************************

12\8\2006 (بعد رجووع الشله بأقل من اسبوع)
(مطار ميلانو)
(هشام يحمل حقيبته متوجها الى الفندق!)

اعذرووني اصدقائي فلم استطع الانتظار اكثر

اعذرووني فهنا موطني
اسمحوو لي فقلبي وروحي رست هنا ايضا
اسمحوو لي فايامي الخمسه كانت هنا
وقلبي كان هنا
وروحي كانت هنا
اسمحوو لي فذكرياتي هنا
وآلامي هنا
هنا رأيتها
وهنا ودعتها

وهـنــا سأمـوت


******************

(انتهت القصه)


هذه القصه حقيقيه واعذروني اذ لم استطع وصفها كما هي!
نعم كنت واحدا منهم ..
لا تسالوني من كنت انا

فـ انا هــشــام
وفهد كان هــشـام
وصالح كان هــشــام
واحمد كان هــشــام

كلنا كنا هشااام
فهد اخذ خفه دمه من هششام
وصالح اخذ عقله من هشام
واحمد اخذ رومانسيته من هشام
وانا اخذت قدرتي على كتابه هالقصه من هشام
ويا ردى حظ اللي ما كان عنده هشام!

هشام قرر يعيش حياته بإيطاليا
ورشا ماتت

يمكن حنا نعتبر الاسبوع سبع ايام


لكن عند هشام ورشا الاسبوع خمس ايام بس


هشام للحين يكرر ذكرياته كل يوم
للحين يعتبر اسبوعه خمس ايام


يوم بالحديقه

ويوم بالذهاب للمعالم الحضاريه

ويوم بالبحيره

ويوم بحدائق الارز

ويوم الوداع


كل شهر اذا سمعت صوت هشام ادعي ربي
انها تروح منه نبره الحزن


كل شهر وانا اسمعه
اقول بقلبي لازم احد يعرف قصته



هذي قصه صديقي هشام





صديقي الميت الحي




tha end

يسلمووو خيتوووو

بصراحهـ صحححت ..

حرآم


مشكوره قلبي ويعطيك العآفيهـ

تقبلي مروري :

جنون آنثى

الله يسلمك

مرورك مقبول ع العين والراس

والله حراااااااام قهر بعد


هههههه رشو وينها ذي ههههههه


تسلمين والله اختي


كان حطيتيها بقسم الروايات

يــآآقلبي حرآآآآمـ

واللهـ اني صــحت مـــرررهـــ

اللهـ يعينهـ ويصـبرهـ{هشآآم}

تســلميين خيتوو ع القصـهـ المحزنهـ

ومرهـ ثآنيهـ قولي اذآ كانت حزيينهـ عشآن استعــد هع